'Telugu Task Force('s)' discussions with the central government

కేంద్ర అధికారులతో
'తెలుగు' టాస్క్‌ఫోర్స్‌ చర్చలు
ప్రాచీన హోదాపై ఆశాభావం!

న్యూఢిల్లీ: తెలుగు భాషకు ప్రాచీన హోదా దక్కేలా కృషిచేసేందుకు రాష్ట్ర ప్రభుత్వం ఏర్పాటు చేసిన టాస్క్‌ఫోర్స్‌... శుక్ర, శనివారాల్లో కేంద్రం హోం, సాంస్కృతిక శాఖల సీనియర్‌ అధికారులతో చర్చలు జరిపింది. కేంద్ర ప్రభుత్వం నిర్దేశించిన నిబంధనలను పరిశీలించింది. అధికారులతోచర్చలు జరిపిన అనంతరం టాస్క్‌ఫోర్స్‌ సభ్యుడు వై.లక్ష్మీప్రసాద్‌ మాట్లాడుతూ... తెలుగుకు ప్రాచీన హోదా దక్కుతుందన్న విశ్వాసం వ్యక్తం చేశారు. అయితే అధికారులతో మాట్లాడిన అంశాలేమిటో చెప్పేందుకు ఆయన నిరాకరించారు. చర్చల వివరాలతో టాస్క్‌ఫోర్స్‌ ఛైర్మన్‌కు ఒక నివేదికను సమర్పిస్తానన్నారు. తెలుగుభాషకు ప్రాచీన హోదా కల్పిస్తే వచ్చే ప్రయోజనాలు, హోదా కల్పనకు అవసరమైన ఆధారాలు, సంబంధిత జీవోల కాపీలను రాష్ట్రానికి చెందిన ఎంపీలందరికీ ఆయన పంపిణీ చేశారు. భాషకు ప్రాచీన హోదా కల్పిస్తే... ప్రాచీన భారతీయ భాషలకు గణనీయసేవలందించిన వారికి ఏటా రెండు అంతర్జాతీయ అవార్డులు దక్కుతాయి. ప్రాచీన భాషపై అధ్యయనానికి యూనివర్సిటీ గ్రాంట్స్‌ కమిషన్‌ ఒక అధ్యయన కేంద్రాన్ని నెలకొల్పుతుంది. భాషావేత్తలకు బోధకులుగా అవకాశం దక్కుతుంది.

భాషా డిమాండ్ల పరిశీలనకు కమిటీ
భాషకు ప్రాచీన హోదా కల్పన వంటి అభ్యర్థనలను పరిశీలించేందుకు కేంద్ర ప్రభుత్వం కొంతమంది భాషావేత్తలతో ఒక కమిటీని నియమించింది. కమిటీ సభ్యుల్లో... అన్వితా అబ్ది (జవహర్‌లాల్‌ నెహ్రూ వర్సిటీ), కె.వి.సుబ్బారావు (ఢిల్లీ వర్సిటీ), ఉదయ నారాయణ్‌ సింగ్‌ (డైరెక్టర్‌, కేంద్ర భాషా సంస్థ), బి.ఎన్‌.పట్నాయక్‌ (రిటైర్డ్‌ ఆంగ్ల ప్రొఫెసర్‌), ప్రొఫెసర్‌ బిహెచ్‌. కృష్ణమూర్తి (హైదరాబాద్‌) ఉన్నారు.

Courtesy: ఈనాడు

తెలుగు భాషకు ప్రాచీన హోదాపై చర్చలు

న్యూఢిల్లీ, ఫిబ్రవరి 25 (ఆన్‌లైన్‌) : తెలుగుకు ప్రాచీన హోదా కల్పించడంపై కేంద్ర హోంశాఖ, సాంస్క­ృతిక వ్యవహారాల శాఖకు చెందిన పలువురు అధికారులతో రాష్ట్ర ప్రభు త్వం ఏర్పాటుచేసిన టాస్క్‌ఫోర్స్‌లో సభ్యుడు, రాజ్యసభ మాజీ సభ్యుడైన డా.యార్లగడ్డ లక్ష్మీ ప్రసాద్‌ విస్త­ృతంగా చర్చలు జరిపారు. ఈ వి షయంలో రాష్ట్ర ప్రభుత్వం తీసుకోవాల్సిన చ ర్యలపై ఒక స్పష్టమైన అవగాహన ఏర్పడింద న్నారు. తాను ఈ విషయాన్ని టాస్క్‌ ఫోర్స్‌ చె ౖర్మన్‌ సత్యనారాయణరావుకు వివరిస్తానని చె ప్పారు. తెలుగుభాషకు 500-2000 సంవత్స రాల చరిత్ర ఉన్నదని, ప్రాచీన హోదాపొందేం దుకు అన్నిఅర్హతలు ఉన్నాయని యార్లగడ్డ శని వారం తనను కలిసిన విలేకరులకు చెప్పారు.

Courtesy: ఆంధ్ర జ్యోతి

Technorati tags: Telugu,తెలుగు

classical language status demand tcld2006