19న ఉగాది

రాష్ట్ర సర్కారు ఉత్తర్వులు

హైదరాబాద్‌, న్యూస్‌టుడే: తెలుగువారి నూతన సంవత్సరాది ఉగాది సెలవు దినాన్ని ఈ నెల 20 నుంచి 19 (సోమవారం)కి మారుస్తూ రాష్ట్ర ప్రభుత్వం సోమవారం ఉత్తర్వులు జారీ చేసింది. వేతనంతో కూడిన సెలవు దినంగా (నెగోషియబుల్‌ ఇన్‌స్ట్రుమెంట్‌ యాక్టు) దీనిని పరిగణిస్తామని పేర్కొంది. తొలుత మార్చి 20నే సెలవుగా ప్రకటిస్తూ గత నవంబరులో ప్రభుత్వం ఉత్తర్వులు జారీ చేసింది. దీనిపై పలువురి నుంచి అభ్యంతరాలు రావడంతో దేవాదాయ శాఖ ముఖ్య కార్యదర్శిని సంప్రదించింది. ఆయన పది మంది పండితులతో సంప్రదించి 19నే ఉగాదిగా పరిగణించాలంటూ సిఫార్సు చేశారు. ఈ మేరకు ఉత్తర్వులు (జీవో నెం.1307) జారీ చేసినట్లు ప్రభుత్వం పేర్కొంది.

Courtesy: ఈనాడు
Ugadi Telugu New Year 2007