"దేశ భాషలందు తెలుగు లెస్స" - తుళువ రాజు శ్రీకృష్ణదేవరాయ
"dESa bhAshalaMdu telugu lessa" - tuLuva rAju SrI kRshNadEvarAya
Telugu is the sweetest among all languages of the Land - Great Tuluva Emperor Sri Krishnadeva Raya, 16th Century

తెలుగు మాట...తేనె ఊట
TELUGU...a language sweeter than honey

మంచిని పంచుదాము వడపోసిన తేనీటి రూపం లో
తేనెకన్న మంచిదని తెలుగును చాటుదాము వేనోల్ల
ఇదే నా ఆకాంక్ష, అందరి నుంచి కోరుకునె చిరు మాట

"TELUGU - Italian of the East" - Niccolo Da Conti, 15th Century


"సుందర తెలుంగిళ్ పాటిసైతు" - శ్రీ సుబ్రహ్మణ్య భారతి
"suMdara teluMgiL paaTisaitu" - SrI subrahmaNya bhArati
Let us sing in Sweet Telugu - Tamil poet Sri Subrahmanya Bharati, 20th Century

Wednesday, December 28, 2005

కాలచక్ర బౌద్ధులకు ప్రత్యేక ఏర్పాట్లు

గుంటూరు రైల్వే డివిజన్‌ సమాయత్తం
న్యూస్‌టుడే - గుంటూరు

కాలచక్ర మహోత్సవానికి విచ్చేసే భక్తులకు దక్షిణ మధ్య రైల్వే పరిధిలోని గుంటూరు రైల్వే డివిజన్‌ అధికారులు అదనపు ఏర్పాట్లు చేస్తున్నారు. లక్షలాదిగా విచ్చేయనున్న బౌద్ధులకు రైల్వే సమాచారం, విశ్రాంతి మందిరాల కల్పన విషయంలో అధికారులు ప్రత్యేక శ్రద్ధ వహిస్తున్నారు. గుంటూరు రైల్వే స్టేషన్లో ప్రత్యేక ఏర్పాట్లు చేస్తున్నట్టు డి.ఆర్‌.ఎం. చౌహాన్‌ 'న్యూస్‌టుడే'కు చెప్పారు. * గుంటూరు ప్రధాన రైల్వే స్టేషన్లో విశ్రాంతికి 12 గదులను సిద్ధం చేస్తున్నారు. వీటిల్లో నాలుగు ఏసీ, ఎనిమిది సాధారణ గదులు.
* ఏసీ గదుల అద్దె (24 గంటల సమయానికి) రూ. 250, నాన్‌ ఏసీ గది రూ. 150.
* డార్మెటరీలో 10 మంచాలను అదనంగా ఏర్పాటు చేస్తున్నారు. ఒక్కో మంచానికి 24 గంటలకు రూ. 50. 12 గంటలు వినియోగించుకొంటే రూ.30 వసూలుచేస్తారు.
* స్టేషన్‌కు పశ్చిమం వైపున స్త్రీలకు ప్రత్యేక గదిని అదనపు సౌకర్యాలతో నిర్మిస్తున్నారు.
* ప్రధాన స్టేషన్లోని రెండు రెస్ట్‌ రూములను తీర్చి దిద్దుతున్నారు. ప్లాట్‌ఫారం 1, 4, 5ల్లో ఉన్న విశ్రాంతి గదులలో అధునాతన వసతులు కల్పిస్తున్నారు.
* కాలచక్ర ఉత్సవాల సమయంలో ఆర్టీసీ, ప్రయివేటు బస్సులను స్టేషన్‌ వద్దకు అనుమతిస్తారు.
* ఉత్సవాలకు వేదికైన అమరావతి బస్సుస్టాండులో రైల్వే రిజర్వేషన్‌, విచారణ కేంద్రాన్ని ఏర్పాటు చేస్తున్నారు. రైల్వే సమాచారం తెలుసుకొనేందుకు కంప్యూటర్‌ను కూడా ఉంచబోతున్నారు.
* గుంటూరు స్టేషన్‌కు రెండు వైపులా ఉన్న రిజర్వేషన్‌ కేంద్రాల వద్ద రెండు అదనపు కౌంటర్లు ప్రారంభిస్తారు.
* ప్రయాణికులకు అనుగుణంగా రైళ్లకు అదనపు బోగీలు ఏర్పాటు చేస్తారు.
* మంచినీరు సమృద్ధిగా లభించేలా చర్యలు తీసుకొన్నారు.
* భద్రత కోసం అదనపు ఆర్‌.పి.ఎఫ్‌. బలగాలు రానున్నాయి.
* అవాంఛనీయ సంఘటనలు జరిగినప్పుడు 0863-2330761 నంబరుకు సమాచారాన్ని తెలపాలని డి.ఆర్‌.ఎం. చౌహాన్‌ తెలిపారు.

*****
కాలచక్రపై ఆర్‌అండ్‌బీ 'షో'

కలెక్టరేట్‌, డిసెంబరు 26 (న్యూస్‌టుడే) : కాలచక్ర ఉత్సవాల సందర్భంగా ఆర్‌ అండ్‌ బీ నిర్మిస్తున్న రోడ్లలో నాణ్యతను రాష్ట్ర ముఖ్యమంత్రి డాక్టర్‌ వై.ఎస్‌.రాజశేఖరరెడ్డికి తెలియజేసేందుకు అధికారులు ల్యాప్‌టాప్‌ 'షో' నిర్వహించారు. ముఖ్యమంత్రి రాజశేఖరరెడ్డి హైదరాబాద్‌ నుంచి వీడియోకాన్ఫరెన్స్‌ ద్వారా కాలచక్ర ఉత్సవాలకు సంబంధించిన ఏర్పాట్లపై సమీక్ష చేశారు. ఆర్‌ అండ్‌ బీ నిర్మించిన రోడ్లను, నిర్మాణదశలో ఉన్న రోడ్లను వీడియో తీసి ల్యాప్‌టాప్‌ ద్వారా వీడియోకాన్ఫరెన్స్‌లో ముఖ్యమంత్రికి చూపారు. రోడ్ల నిర్మాణంలో నాణ్యతపరమైన లోపాలు ఉన్నట్టు పత్రికల్లో వస్తున్న కథనాల గురించి ముఖ్యమంత్రి అధికారులను ప్రశ్నించారు. నూతన సాంకేతిక పరిజ్ఞానంతో నిర్మిస్తున్న రోడ్లలో ఎక్కడా నాణ్యతాపరమైన సమస్య తలెత్తడంలేదని అన్నారు. నూతన పరిజ్ఞానం ప్రకారం బూడిదను ఉపయోగిస్తున్నామని అది రోడ్డును మరింత గట్టిగాఉండేలా చేస్తుందని ఆర్‌ అండ్‌ బీ పర్యవేక్షక ఇంజినీర్‌ భావన్నరావు వివరించారు. నిర్మాణంలో ఉన్న రోడ్లను చూపించాలని ముఖ్యమంత్రి భావన్నరావును ఆదేశించారు. బూడిదతో నిర్మాణం జరుగుతున్న దశలను కూడా ఆయన ముఖ్యమంత్రికి వివరించారు. నిర్మాణంలో ఎక్కడా నాణ్యతలోపం లేకుండా చూడాలని అధికారులను ముఖ్యమంత్రి ఆదేశించారు.

Courtesy: ఈనాడు
Keywords: Telugu , Andhra Pradesh , India , Buddha Buddhist , Amaravati Guntur , Kalachakra 2006 , Dalai Lama , Tibet Tibetan , stupa , mahachaitya , Mahayana , Theravada , Eenadu December 2005


Want your own TELUGU BLOG?
Get it today!
Click here for a step by step guide to blogging in 'Italian of East'


0 Comments:

Post a Comment

Links to this post:

Create a Link

<< Home